°ˆ~¤®§(§ الجهآت الأربعه §)§®¤~ˆ°

°ˆ~*¤®§(*§ الجهآت الأربعه §*)§®¤*~ˆ°

ودي اشوفك مجتمع في ناظري بأربع جهات
بس النظر مع الأسف مايعكس الا زاويه

والزاويه تخدع وانا عندي على هذا ثبات
الأرض شبه مدورة ... ونشوفها متساويه

لكن إذا في زاويه تجمّعت كل الصفات
اللي نبي من خلقت الدنيا ليوم الهاويــــه

وفيها صفات زايده ماهي مثل باقي البنات
خلت معاليق الحشا مثل الرشا متهاويـــــــه

جهه وصايفها كذا ... وشلون عاد الباقيات
اللي بقى جنة عدن من كل خيرحـاويـــــــــه

درست في الجغرافيا تاريخ دجله والفرات
تمشي على طول السنه والناس منها راويـه

وانتي لحقتيني على اخر نفس قبل الفوات
وأسقى حنانك داخلي بعض العروق الذاويه

كنتي معي وانا معك ذات سكن في وسط ذات
والرابط اللي بيننا مثل شعرة معاويـــــــــــه

وفجأه تغير موقفك مني بدون مقدمات
الشك والريبه سوى في خاطرك متخاويــــه

حبك على ذبحي نوى واسرج ظهور العاديات
وانتي تغيرتي علي مدري وش انتي ناويه

ماهي غريبه لوذبحتيني والا الميعاد فات
من حب لازم يحتمل نار الغرام الكاويــــــه

ذكرت تاريخ الهوى عبر العصور الفايتات
كم واحد حبه نسج حوله حبال لاويــــــــــه

قابيل يوم انه قتل هابيل سَن اول ممات
ومن يومها كل عرف حواء على ادم قاويــه

ويوم العزيزه راودت يوسف معه راحت وجات
قـــــــدة قميصه من دبر تكشف نوايا الغاويه

اختار سجنه ... فسر الخمره وسبع السنبلات
ومن بعدها سبع عجاف مهلكات خاويــه

واظهر براءة ذمته من حد قذف المحصنات
والحق بانت رايته بعد اعتراف الراويـــه

وفي يوم ربي عوضه والتم شمله والشتات
يعقوب شافه بالنظر من دون طب مداويه

واليوم شوفيني عدم يشفق علي حتى النبات
واقف على حد الزمن وذياب موتي عاويه

جهه وسوت بي كذا ... وشلون عاد الباقيات
انا احمد الله يومني ماشفت غير الزاويــــــه

ان شاء الله عجبتكم

مشكوووووووور

تسلم

الله يسلمك

مشكور على المرور